د هند او مالدیف اړیکی د لا ودی په لور

د هند او مالدیف اړیکی د لا ودی په لور

لیکنه: پدم سنګ

ژباړه: پښتو څانګی

د هند د بهرنیو چارو وزیر ډاکټر ایس جیشنکر او د مالدیپ د بهرنیو چارو وزیر عبد الله شاهد د ویډیویی کنفرانس له لارې ناسته ترسره کړه. متقابل عمل د هند او مالدیپ ترمنځ د منظمی لوړې کچې تبادلې برخه وه. دې دا فرصت برابر کړ چې دوه اړخیزې اړیکې وڅیړي او د کویډ ۱۹ او عمومي دوه اړخیزې ملګرتیا په چوکاټ کې ځینو مهمو موضوع ګانو باندی بحث وکړی. وزیرانو د هند او مالدیپ تر مینځ د تیرو اړیکو حالت وڅیړو او په اطمینان سره یې یادونه وکړه چې د کویډ ۱۹ ناروغۍ پرمهال ، هندوستان په دې سخت وخت کې د خپل نږدې سمندري ګاونډي او ملګري تر څنګ ولاړ دی

هندوستان او مالدیپ د کویډ ۱۹ وبا سره مبارزه کې ډیر له نږدې کار کړی. مالدیپ د ګاونډیو هیوادونو ترمینځ د هندوستان کویډ ۱۹ مرستو اړوند ترټولو لوی ګټه اخیستونکی دی. ډاکټر جیشینکر د وبا د روغتیا او اقتصادي اغیزې کمولو لپاره مالدیپ ته د هر ممکنه ملاتړ لپاره د هند دوامداره ژمنې تایید کړی

د مالدیپ په غوښتنه ، هندوستان پریکړه کړې چې د لوی مالی ارتباطي پروژې (جی ایم سی پي) ملاتړ وکړي ، چې د مالي کڅوړې له لارې د ۱۰۰ ملیون ډالرو مرستې او ۴۰۰ ملیونه ډالرو د کریډیټ نوې کرښه پکی شامله ده. دا به په مالدیپ کې د ملکي بنسټونو ترټولو لویه پروژه وي ، چې مالی پلازمینه د دریو ګاونډیو ټاپوګانو - ویلینګلي ، ګلیفاهو (چیرې چې په هندی پوله یو بندر هم جوړ شوی دی) او تیلوفوشي به د یوه نوی پله په جوړیدو سره له یو نوي صنعتي زون سره ونښلوي. کله چی دا ۶.۷ کیلومیتره اوږد پل بشپړ شی ، دا د پام وړ پروژه به د څلورو ټاپوګانو ترمنځ اړیکی اسانه کړي ، چې پدې سره به اقتصادي فعالیت پیاوړی شي ، دندې به رامینځته شي او په مالې سیمه کې به ټول شموله ښاري پراختیا ته وده ورکړي

د هند او مالدیپ تر منځ د بېړۍ خدمت پیل کولو لپاره د جون په میاشت کې د لومړي وزیر مودي اعلان په یادولو سره ، نوي ډیلي اعلان وکړ چې د کارګو کښتۍ مستقیم خدمتونه به ډیر ژر پیل شي. دا خدمتونه به دوه اړخیزه سوداګرۍ او اړیکو ته وده ورکړي او د دواړو هیوادونو ترمینځ اقتصادي ملګرتیا ته به وده ورکړي. د کارګو کښتۍ خدمتونه به سمندری اړیکې پراخه کړي او په مالدیپ کې به د وارد کونکو او په هند کې صادرونکو لپاره د اکمالاتو امکانات چمتو کړي. دا به د سوداګرو لپاره د لوژستیک لګښتونه او وختونه کم کړي

دبهرنیو چارو وزیر د هند او مالدیپ ترمینځ د هوایی سفرونو د اسانتیاوه رامینځته کولو لپاره اعلان وکړ ترڅو د کار ، سیاحت ، طبي بیړني حالتونو لپاره د دواړو خواو څخه د خلکو تګ راتګ اسانه کړي. زموږ د ځانګړو اړیکو په نظر کې نیولو سره مالدیپ لومړی ګاونډی هیواد دی چې داسی هوای اسانتیاوی ورسره فعاله کیږی. د هوای اسانتیاوه رامنځ ته کول به مالدیپ ته د ګرځندویانو ورتګ او عاید ډیرولو لپاره د هند د ملاتړ سمبول په معنی وی. د دواړو هیوادونو روغتیا پروتوکولونه به په کلکه تعقیب شي. تمه کیږي چې د هوای اسانتیاوه تر نامه لومړۍ الوتنه به د اګست په ۱۸مه ترسره شی

هندوستان همدا راز د ۲۰۲۰-۲۱ کلونو کی مالدیپ ته د اړینو توکو د اکمالاتو لپاره د سهمیی نوي کولو پریکړه هم مطرح کړه. په اجناسو کې خوراکي توکي لکه آلو ، پیاز ، وریجې ، غنم ، اوړه ، بوره ، دال او هګۍ او همدارنګه د سیند شګه او د جغل شامل دي. دغه سهمیه د خوراکي توکو امنیت ، او د لازمي ودانیزو توکو تحویل تضمینوي ، او پدې توګه مالدیپ کې د ورته لازمي توکو لپاره ډاډ او د قیمت ثبات چمتو کوي

د کویډ ۱۹ وبا په جریان کې ، کله چې د اکمالاتو ځنځیرونه ګډوډ شول ، هندوستان مالدیپ ته د اړینو خواړو او ودانیزو موادو رسولو ملاتړ ته دوام ورکړ. د ۲۰۲۰ کال په می کې ، هندوستان د ماموریت ساګر (امنیت او وده د ټولو لپاره) له لارې ۵۸۰ ټنه اړین خوراکي توکي ډالۍ کړل

د مالدیپ د بهرنیو چارو وزیر شاهد د هند د حکومت لخوا د هغه د حکومت پرمختیایی لومړیتوبونه پوره کولو کې د ګامونو ژوره ستاینه وکړه. هغه یادونه وکړه چې د لوی مالا ارتباطي پروژه به د هند - مالدیپ اړیکې کې نوی پړاو وي او د مالدیپ اقتصادي او صنعتي بدلون به په لاره واچوي. ښاغلي شاهد د هند لخوا د وخت په وخت مالي مرستې څخه مننه وکړه

د ۲۰۱۸سم کال له نومبر راهیسې ، د لومړي وزیر نریندر مودي او ولسمشر ابراهیم محمد سولیح په مشرۍ هند او مالدیپ د ملګرتیا یو متحرک او هیلی بښونکی پړاو پیل کړې چې د متقابل اعتماد او ګډو ګټو پراساس زموږ دوامداره اړیکې جوړوی. د هند د ګاونډي لومړی ‘بهرنۍ پالیسۍ او د مالدیپ د‘ هندوستان لومړی ’پالیسي یو بل بشپړوی او اوس کوټلې پایلې څرګندوي. ولسمشر سولیح به کویډ ۱۹ شرایط ته په کتو د دې کال په وروستیو کې هند ته سفر کوی .دواړو وزیرانو په هغه پرمختګ خوښي څرګنده کړه چې د دوه اړخیزو پروژو او نوښتونو په پلي کولو کې ترلاسه شوي ، په ځانګړي توګه د ۸۰۰ ملیونه امریکایی ډالرو د کریډیټ لاین تر نامه لاندې. دواړو خواو هوکړه وکړه چې په ګډه به کار ته دوام ورکوي