لومړی وزیر د دفاعي تولیداتو لپاره طرحه وړاندې کړه

لیکنه: پدم سنګ

ژباړه : د حکمت الله نوري

لومړي وزیر نریندر مودي د ویډیو کنفرانس له لارې د دفاعي تولیداتو په برخه کې د اتم نيربهربهارت سیمینار ته وینا وکړه. دغه مجازی سیمینار په ګډه د هندوستان د دفاعي صنعت کارانو ټولنی (ایس آیی ډی ایم) ، د هند د سوداګرۍ او صنایعو فدراسیون ( ایف آیی سی سی آیی) او د دفاع وزارت د تولیداتو ډیپارټمنټ لخوا په ګډه جوړ شوی و. په دفاعي تولیداتو کې اتم نيربهر (په ځان بساینې) رامینځته کیدو باندې ټینګار سره ، لومړي وزیر وویل زموږ هدف د دفاعي تولید وده ، نوې ټیکنالوژي پرمختګ او په دفاعي برخه کې خصوصي لوبغاړو ته د پام وړ رول ورکول دي

د دفاع وزیر راج ناتھ سینګ او د هغه د ټولې ډلې په دي ماموریت باندې د کار کولو او د نه ستړې کیدونکو هڅو ستاینی کولو تر څنګ ، لومړي وزیر وویل چې د دفاع په تولید کې د ځان بسیاینې ترلاسه کولو هدف څخه به یقینا ډیر ژر پایلی تر لاسه شی.لومړي وزیر مودي وویل کله چې هند خپلواک شو ، نو په هند کې د دفاعي تولید لپاره لوی ظرفیت او اکوسیستم شتون درلود خو د لسیزو راهیسې جدي هڅې نه دی شوی. ښاغلي مودي څرګنده کړه چې وضعیت اوس بدل دی ، په دفاعي برخه کې د اصلاحاتو راوستو لپاره دوامداره هڅې روانې دي. هغه پدې برخه کې ترسره شوي یو لړ کوټلي ګامونه په ګوته کړل لکه د جواز ورکولو پروسې کې پرمختګ ، د سیالی د کچې ډګر رامینځته کول ، د صادراتو پروسې ساده کول.لومړي وزیر وویل چې د پرمختللي او په ځان بسیا هندوستان جوړولو لپاره په دفاعي سکتور کې د باور احساس لازمي دی. د دفاع لوی درستيز د ټاکلو په څیر پریکړې ، چې له لسیزو راهیسې ځنډلی وی ، اوس ترسره شوی دی ، چې د نوي هند باور منعکس کوي. د دفاع د لوی درستیز ګمارل د دریو ځواکونو ترمینځ ښه همغږي رامینځته کړې ، او د دفاعي تدارکاتو کچه کې یې مرسته کړې. په ورته ډول ، هغه روښانه کړه چې له اوتومات لارې ۷۴ سلنی مستقیمی بهرنی پانګونی ته اجازه ورکولو سره د دفاعي سکټور پرانیستل د نوي هند باور منعکس کوي

لومړي وزیر مودي وویل د کورنیو تدارکاتو لپاره د ملی بودیجې د یوې برخې ټاکلو په څیر ګامونه ، د کورنیو تدارکاتو ۱۰۱ توکو هڅونه به کورنیو دفاعي صنعتونو ته وده ورکړي. هغه دا هم وویل چې حکومت د تدارکاتو پروسې ګړندي کولو ، د ازموینې سیسټم نور همغږي کولو باندې کار کوي. د مهماتو فابریکو همغږی کولو په اړه وینا کې ، لومړي وزیر وویل چی له بشپړیدو وروسته به کارګران او دفاعی سکتور، دواړه پیاوړي کړي .پرمختللي وسایلو کې د ځان بسیاینې لپاره د ټیکنالوژۍ لوړولو اړتیا باندې ټینګار کولو پرمهال ، د هند لومړي وزیر وویل چې د دفاعي څیړنې او پراختیا سازمان (ډی آر ډی او) سربیره ، په خصوصي سکتور او اکاډمیکو بنسټونو کې هم څیړنه او نوښت هڅوي. لومړي وزیر یادونه وکړه چې د بهرني ملګرو سره د ګډ کارونو له لارې په ګډ تولید باندې ټینګار شته

لومړي وزیر وویل چې حکومت د اصلاحاتو ، ترسره کولو ، او بدلونونو باندې کار کوي ، لومړي وزیر وویل د معنوی ملکیت ، مالیه ، انشورینس او بانکداري ، فضا او اټمي انرژۍ برخو کې لوی اصلاحات روان دي.د زیربنایی نوښتونو په اړه ، ښاغلي مودي په اترپردیش او تامل ناډو کې د دوه دفاعي دهلیزونو په اړه خبرې وکړې. هغه وویل چې د هنر زیربنایی ریاست د اترپردیش او تامل ناډو د ریاست دولت په همکارۍ جوړیږي. په راتلونکو ۵ کلونو کې ۲۰ زره کروړه روپی پانګونه د دې لپاره ټاکل شوي.لومړي وزیر مودي وویل چې د آی ډيیکس نوښت چې د متشبثینو د هڅونی لپاره پیل شوی و، مثبتی پایلی ترلاسه شوی دی. هغه وویل چې د دې پلیټ فارم له لارې له ۵۰سو څخه ډیر پیل کونکي د پوځی کارولو لپاره ټیکنالوژي او محصولات چمتو کړي

لومړي وزیر وویل چې هدف یې د یو وړ هندوستان رامینځته کول دي ترڅو نړیوال اقتصاد لا ډیر آرام ، با ثباته او په نړۍ کې سوله راشي. دا په دفاعي تولیداتو کې د "اتم نيربهر بهارت" (په ځان تکیه هندوستان ) ترشا نظر دی. هند د دې وړتیا لري چې خپلو ډیرو ملګرو هیوادونو ته د دفاعي تجهیزاتو معتبر عرضه کونکی شي. ښاغلي مودي وویل چې دا به د هند ستراتیژیکې ملګرتیاوی پیاوړې کړي او د هند سمندري سیمه کې د "خالص امنیت چمتو کونکي" په توګه د هند رول پیاوړی کوی

هغه وویل چې د دفاع تولید او صادراتو تمدید پالیسي مسودې په اړه راټول شوي نظریات او وړاندیزونه به په پیل کې د دې پالیسۍ پلي کولو کې مرسته وکړي.لومړي وزیر یادونه وکړه چې ډله ایزې هڅې به د ځان بسیا کیدو ، د اتم نيربهرهند رامینځته کیدو لپاره زموږ د هوډ په رښتیا کیدو کې مرسته وکړي