د پلوامه په حمله کې پاکستان خپله ښکيلتیا ومنله

لیکنه : د حارث خان

وینا : د هریندر کمار سواتی

پاکستان په خپل اوبدلې جال کې پخپله نښتي. د اپوزیسیون د لاریونونو بریا سره ، د ایجنسیو ویره او خفګان اوس په بیلابیلو اشکالو څرګندیږی، پداسې حال کې چې د دې پوښښ لپاره هڅې دوام لري. که چیرې دا د مریم نواز میړه قضیه وي چې د هوټل د خونې دروازه ماتوي یا د سیند د ای جی تښتولو پيښه وي ، له دې څخه که نور هیڅ هم نه څرګندیږي خو دا روښانه ده چې حاکمه طبقه په بشپړ ډول بې هوشه شويده او د پریکړې کولو ظرفیت پکې نور ندی پاتې. په خورا ډیر مشکل سره ، پاکستان د ایف آي ټي ایف په تور لیست کې له شاملیدو څخه بچ شویدی ، خو د دوی تګلاره په ټوله کې د نړۍ او خپل اولس په سترګو کې دوړې اچوي

په زرهاو بې ګناه خلک پخپله پاکستان کې د ترهګرۍ قرباني شوي ، خو د ترهګرو په وړاندې د حکومت چلند اوس هم بدل شوی نه دی. ګاونډي هیوادونه ، که افغانستان ، ایران او یا هم هند دی، دا مسله په دوه اړخیزو خبرو او نړیوالو سازمانونو کې راپورته کوي چې پاکستان به ترهغې پورې په سیمه کې ثبات ولري ترڅو چې ترهګرو ته خپل ملاتړ ورنکړي. خو په سیمه کې د سولې تمه نشي کیدلی. د پېښور د چاودنې په اړه د خپل غبرګون په لړ کې د پې ډي ايم مشر مولانا فضل الله هم ویلي چې د ترهګرۍ د کنټرول لپاره د پوځ او حکومت ټولې ادعاوې دروغ او بې بنسټه وې. له داسې یو هیواد څخه چې ترهګرو ته ستراتیژیکه پانګه وړاندې کوي له هغه څخه دا هیله کول چې ګواکې د ترهګرو په اړه به کوم پریکنده اقدام وکړی ، تمه یی کول بې ګټې دي

په تیرو ورځو کې په حکومت کې د مخکښ وزیر په توګه فواد چوهدري دا اعتراف وکړو چې د پلوامه برید د پاکستان لپاره "د ویاړ شیبه" وه . دا ډیره لویه ګډوډي په ډاګه کوي چې د نړیوالې ټولنې لخوا ورته پام شوی. یاد وزیر فواد چودهري دا د "عمران خان په مشرۍ د پاکستان بریا" وبلله. اوس د پاکستان راز په بشپړه توګه خلاص شوې او د هند دا ادعا چې پاکستان د پولواما په برید کې دخیل وو ، بالاخره ریښتیني شوه. هندوستان څو څو ځله دا مسله په نړیوالو فورمونو کې راپورته کړې او ټول شواهد یې وړاندې کړي خو پاکستان تل ترهګرو ته په سزا ورکولو کې خنډ او ځنډ رامنځته کړی دی. مګر اوس به د عمران خان لپاره دا اسانه نه وي چې د خپل وزیر د اعترافاتو بیان څخه لاس واخلي

په زړه پورې خبره دا ده چې د حکومت د مخکښو کتابوالو ناپوهي او بې خبره بیانۍ لا هم رواني دي. له کله راهیسې چې د ملي شورا پخوانی رییس سردار ایاز صادق د هندي وینګ کمانډر ابهېنندن د خوشې کیدو ترشا کیسه کړې ، د بهرنیو چارو وزیر شاه محمود قریشي په تندې په پراخه کچه خولې را ماتې وې او دا ویره يې څرګندوله چې که تر څو پورې ابهینندن بیرته هندوستان ته نه وي سپارل شوی ، هند برید کولی شي. له هغه وخت راهیسې یو لړ عجیب بیانونه ورکړل شوي دي. په دې وروستیو کې ، د کورنیو چارو وزیر اعجاز شاه هم ګواښ وکړ چې د طالبانو په واسطه به د نون لیګ غړو ته درس ورکړل شي. د دې ویلو هیڅ ضرورت نشته چې ، طالبان د پاکستان د پوځ ملاتړ لري ، او د دواړو خبره یو شان ده. اوس دا هم ثابته شوه چې ایجنسۍ د پښتنو په قتل عام کې هم دخیلې دي.پي ټي ایم چې کله هم د پښتنو په قتل عام خپل غږ پورته کړی ، هغه ته په غدار ویلو سره د هغه اواز خاموش کړای شوی دی.

اوس خو اعجاز شاه پخپله وايي چې بلور کورنۍ وژل شوی ، د میا افتخار زوی یې وژلی ، دا عکس العمل وو. خدای دی هغه چا ته لارښود او ساتنه وکړي څوک چې د نون لیګ یا ایاز صادق بیان سره همغږي وي. هغه څوک چې د اردو په وړاندې خبرې کوي باید له پولې تیر شي او امرتسر ته لاړشي. په یاد ولرئ چې دا هماغه بریدګر شاه دی چې بېنظیر بوټو د هغې تر وژنې د مخه د هغې د وژلو دسیسه جوړه کړې وه او د القاعدې او طالبانو سره یې اړیکې خورا قوي و

د ترهګرو د ملاتړ د لارې اغیزې هم په ټولنه کې ژور منفي اغیزې لري. که دا د شهباز تاثیر وژنه وي یا د کفر په تور د خلکو لخوا د خلکو وژنه وي ، حاکمه طبقه ممکن د هغه اندازې څخه خبره نه وي چې تر کومې کچې د پاکستان عکس خراب شوی دی. پاکستان دا باید هیر نکړي چې له داسې خبرو سره د هغه عکس ته ډیر زیان اوړي . حکرانانو ته شاید د دې خبرې اندازه نشته ده . پاکستان باید هیڅکله هم دا ونه وائي چې د ایف ای ټې ایف لخوا چې هغه ته کوم معیاد ورکړل شوي څلورو میاشتو په جریان کې ، د نړۍ سترګې د هغه په ​​قولونو او عملونو کې په تضاداتو تکیه کوي او د هغه هیڅ نه پوهیدل به هغه د سختې ستونزو سره مخامخ کړي