په کابل پوهنتون د داعش برید

لیکنه : د انتخاب عالم

ژباړه او وینا : د هریندرکمار سواتی 

له یوې خوا په دوحه کې د افغان حکومت او وسله والو طالبانو د استازو ترمینځ خبرې روانې دي او له بلې خوا په افغانستان کې د تروریستي حملو او مخ په ډیریدونکي بدنظمی شتون لري . د افغانستان د سولې خبرې روانې دي ، خو حقیقت دا دی چې په افغانستان کې د سولې لپاره هیڅ امید نشته. څو ورځې وړاندې د افغانستان د بلخ ولایت پخوانی والي عطامحمد نور په یوه دیپلوماتیک ماموریت کې هندوستان ته راورسید او اندیښنه یې څرګنده کړه چې وضعیت د امریکايي ځواکونو له وتلو وروسته لا پسې پراخه کیدونکی دی

هغه ویره څرګنده کړه چې د طالبان ممکن له افغانستان حکومت سره خبرو اترو کې جدي نه دي او دا به وکولی شي په خپلو شرایطو کار وکړي. دا ویره د افغانستان په بیلابیلو برخو کې موندل کیږي. د لوړې کچې نا امیدۍ شتون لري په ځانګړي توګه د میرمنو او هغو کسانو په مینځ کې چې غواړي په افغانستان کې سوله او اعتدال ته وده ورکړي. دلته یو مخ په ډیریدونکی خطر شتون لري که چیرې د دوحې خبرې بې پایلې ثابت شي ، نو وضعیت اټکل کیدلی شي ، د بدنظمۍ زیاتوالی او په ټولنیز ژوند باندې د ترټولو لوی اغیز لامل شی. دا به د پوهنې په سکتور ، په ځانګړي توګه د میرمنو تعلیم او د دوی ورځني ژوند باندې خورا ناخوښه اغیزه ولري

په ورته وخت کې د کابل پوهنتون د لوی برید خبر هم راغلی . په حقیقت کې ، هلته د کتاب میله جوړه شوې وه چی دا بمی چاودنه وشوه چې لږترلږه ۲۲تنه یې ووژل او لسګونه نور یې ټپیان کړل. ورو ورو د مړو شمیره څلوېښتو ته ورسېد. برید په یو تعلیمي موسسه شوی و ، نو د طبیعي خبره ده چی به مړو کی د معصیلینو شمیر هم زیات و.دا برید تیره دوشنبه شوی. شاوخوا یوه اونۍ دمخه یوه بله تعلیمي اداره هم په نښه شوې وه

اسلامي دولت (داعش) د برید پړه په غاړه اخیستې. کله چې برید پیل اوشو ، زده کونکي او ښوونکي د پناه ځای په لټه کې شول. د قانون او ژورنالیزم مرکزونه د پیښې ځای ته نږدې موقعیت لري ، او د لاسي بمونو او ټوپکونو کارول خورا ډیر وو. د افغانستان ځانګړي ځواکونو سرتیرو هڅه وکړه چې وضعیت کنټرول کړي او د ښوونکو او زده کونکو ژوند خوندي کړي. البته یو څه وروسته وضعیت تر کنټرول لاندې راوستل شو. د رسمي سرچینو په وینا ، په برید کې شامل درې ترهګر وژل شوي دي

داعش ادعا وکړه چې د برید هدف هغه کسان په نښه کول وو چې غوښتل یې په پوهنتون کې د حقوقو مطالعه وکړی، قاضیان شي یا په استخباراتي ادارو کې د پلټونکو په حیث کار وکړي ځکه چې دا ټول کافران دی. او افغان حکومت هم د کفارو حکومت دی. دا د برید کونکو هدف او اجنډا ده. د اکتوبر په ۲۴مه هم په یو تعلیمي مرکز حمله وشوه ، چې له امله یې ۲۴ تنه مړه او تر ۱۰۰ زیات ټپیان شول. دا ډول بریدونه د هغه وخت یادونه کوی چې طالبانو په ځانګړي توګه تعلیمي ادارې په نښه کړي وی

که دا داعش وی او که طالبان یا کوم بل ترهګرې ډلې ، دا ډول تخریبي سازمانونه د تعلیم په اړه یو شان نظر لري. تر څو چې په افغانستان کې د وروستي بریدونو تړاو دی ، په ځینو برخو کې ویره شتون لري چې د طالبانو او آی ایس آی تر منځ پټ تړون شوی چې طالبان به داسې ځان خای چې له ورته بریدونو څخه جلا دی مګر دننه به یی ملاتړ وکړي. داسی خبر هغه وخت هم مخې ته راغلی وو کله چې د متحده ایالاتو او طالب استازو ترمنځ خبرې روانی وی. دا پیښې په افغانستان کې د دې کړیو اندیښنه پیاوړې کوي چې په بین الافغاني خبرو کې د طالبانو ګډون یوازې یوه ډرامه ده ، د دوی پټه اجندا بل څه ده